Movie Recommendation : The Truman Show(1998)

The Truman Show(1998)

IMDB rating : 8/10

IMDB link : http://www.imdb.com/title/tt0120382/The Truman Show (1998)

ધ ટ્રૂમન શૉ એ ફેમસ ઍક્ટર જીમ કેરી(બ્રૂસ ઑલમાઈટી,લાયર લાયર,ધ માસ્ક...વગેરેથી જાણીતા થયેલા...)નું ખૂબ જ વખણાયેલું મૂવી છે.જીમ કેરી એમની "ગાંડી" કૉમેડી માટે પ્રસિધ્ધ છે.કોઈ માની ના શકે કે આ ઍક્ટર કોઈ સીરીયસ રોલ પણ કરી શકે છે.જો તમે પણ આવું માનનારા લોકોમાંના એક હોવ તો આ મૂવી તમારો એ ભ્રમ દૂર કરી દેશે.મેં જીમ કેરીને પહેલીવાર આ મૂવીમાં સીરીયસ ઍક્ટીંગ કરતાં જોયા છે અને એ જોયા પછી એ ઍક્ટર માટે મનમાં ખરેખર માન થઈ આવે.આને કહેવાય વર્સેટાઈલ ઍક્ટર...

સ્ટૉરીની ઝલક :

"તમારી મૂવિ જોવાની મજા ના બગડે એટલે અહીં માત્ર સ્ટૉરીની ઝલક જ આપીશ.આ વાર્તા એક એવા માણસની છે કે જેની લાઈફ એકદમ ઓર્ડીનરી છે.આપણા દરેકના જીવનની જેમ જ એનું જીવન પણ એકદમ સાદું અને સરળ છે.એનો પોતાનો એક પરિવાર છે.એની પત્ની સાથે એ ખુશહાલ જીવન વિતાવી રહ્યો છે.એની માતા થી એ અલગ રહે છે.ક્યારેક ક્યારેક બધાં મળે છે અને સુખદુ:ખની વાતો કરે છે.એના પિતા વર્ષો પહેલાં એક દુર્ધટનામાંમૃત્યુ પામ્યાં છે.એનો એક ખાસ મિત્ર છે જેને એ પોતાનિ બધી જ વાતો ખુલ્લા દિલથી કરે છે.જીવન ખૂબ જ સરળતાથી જતું હોય છે...પણ "કહાનીમાં ટ્વીસ્ટ" આવે છે ત્યારે, જ્યારે એની વર્ષો પહેલાંની ગર્લફ્રેન્ડ અચાનક એક દિવસ એને યોગાનુયોગ મળી જાય છે અને એને ચેતવે છે કે "એની જીંદગી જ આખી એક જૂઠ્ઠાણું છે...એની આસપાસનું બધું જ એક નાટક છે...".આપણો હીરો પહેલાં તો એ છોકરીને ગાંડી ગણીને એનું કહ્યું ગણકારતો નથી,પણ થોડાંક પ્રસંગો એવાં બને છે જે એને પણ મજબૂત શંકા ઊપજાવે છે કે એની આસપાસની સમગ્ર દુનિયા જાણે કે એક નાટક છે.અને પોતાની શંકા દૂર કરવા માટે પછી એ શોધખોળ શરૂ કરે છે.અને અંતે એને જે ખબર પડે છે એ...એ જોવા તમારે મૂવી જોવું પડે દોસ્તો."

જો આ મૂવી ક્યાંક જોવા મળે તો ચૂકવા જેવું નથી.